ជនសង្ស័យ២នាក់ត្រូវនគរបាលឃាត់ខ្លួនពាក់ព័ន្ធគ្រឿងញៀន
30-December-2017 | ដោយ ពលមនសិការ
ភ្នំពេញ ៖ កាលពីថ្ងៃទី២៩ ខែធ្នូ ឆ្នាំ២០១៧ វេលាម៉ោង២១និង៣០នាទី ប៉ុស្តិ៍រដ្ឋបាលភ្នំពេញថ្មី បានធ្វើការឃាត់ខ្លួនជនសង្ស័យចំនួន០២នាក់ ករណីប៉ុនប៉ងប្រើប្រាស់គ្រឿងញៀន នៅចំណុចតាមផ្លូវ១៩៨៦ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ។
លោកវរសេនីយ៍ទោ ហួរ ម៉េងវ៉ាង អធិការខណ្ឌសែនសុខបានឲ្យដឹងថាឲ្យដឹងថាជនសង្ស័យទី១-ឈ្មោះ ឡុង ស៊ីដេត ភេទប្រុស អាយុ៣៤ឆ្នាំ មុខរបរគ្មាន ស្នាក់នៅភូមិរោងចក្រ សង្កាត់គោកឃ្លាង ខណ្ឌសែនសុខ និងទី២-ឈ្មោះ ផុន ធានី ភេទប្រុស អាយុ២០ឆ្នាំ មុខរបរគ្មាន ស្នាក់នៅភូមិរោងចក្រ សង្កាត់គោកឃ្លាង ខណ្ឌសែនសុខ។
សម្ភារៈដកហូត ក្រាមសថ្លា០១កូនថង់តូច និងម៉ូតូចំនួន០១គ្រឿង ម៉ាកសង់កូរ៉េ ពណ៌ក្រហម ពាក់ស្លាកលេខតាកែវ 1F-9249 ។
លោកអធិការបន្តថា មុនពេលឃាត់ខ្លួនជនសង្ស័យខាងកម្លាំគណៈបញ្ជាការឯកភាពខណ្ឌសែនសុខ បានដាក់គោលដៅត្រួតពិនិត្យអាវុធជាតិផ្ទុះនៅចំណុចខាងលើ ឃើញជនសង្ស័យចំនួន ០២នាក់ កំពុងជិះម៉ូតូ០១គ្រឿងឌុបគ្នាមកដល់គោលដៅត្រួតពិនិត្យអាវុធ ដោយមានការសង្ស័យកម្លាំងយើងបាន ឃាត់ម៉ូតូនិងជនសង្ស័យឲ្យឈប់ធ្វើការត្រួតពិនិត្យលើដងខ្លួនរកឃើញវិត្ថុតាងខាងលើនៅជាប់ខ្លួនជនសង្ស័យ រួចនាំខ្លួនជនសង្ស័យយកមកធ្វើការសាកសួរ នៅប៉ុស្តិ៍រដ្ឋបាលភ្នំពេញថ្មី។
បច្ចុប្បន្ន ជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
ចំនួនអ្នកទស្សនា
- ថ្ងៃនេះ10321
- ម្សិលមិញ10851
- សប្តាហ៍នេះ76841
- ខែនេះ191991
- ឆ្នាំនេះ191991
- សរុប20634447